طبل إلضبوح بحر إلرجز وزن إلمترادف
وینک یبن دیرة هلی مر بیّه أزورنّک
عندی عتب لا تعتذر محتاج أفهمنّک
...
تابعتک إو ما قصّرت بس لا تسد إلباب
خلینی یمّک محتصر یم عتبة إلمحراب
کتلانی شیبی إبشیمتی و أنا بعدنی شاب
خذ عبره من ضیم إلدهر مشتاق أجربنّک
...
لابس کفن و أحچی إبعلن مشتعل گلبی إبنار
و إلخان دمّر کل هله یطلب إبزحفه إلثار
عینه عمت من هدّفت ویرید هدم إلدار
صادق ولا أود إلکذب بشهود إذکرنّک
...
إبن إلثقافه إو تفتخر تاج إلنه معروفک
یا یوم أرفرف بإلعلم و أنسل لک إزلوفک
وأنهت عطر هیل إلفکر ویّاک ماعوفک
تحتاج بس عزّة نفس بدموعی أکرمنّک
...
خنجر إبضلعی شتتّک لو تشت من دارک
لا تنهش إبلمّة هلک و إتغیّر أفکارک
تحتاج زفّه بإلعرس و إتمرحب أنصارک
أنت حمد یوم إلوعد إبنحرک و أشمّنّک
...
ملّینه من ضیم إلدهر خل یقذف إشما راد
یرسم إبطلقه من صفر صایر علینه إستاد
مو یکتب إمجرح إلخلگ ناطرنه کألصیّاد
إتحذّر إو دافع بإلستر ما ظنتی أعلمنّک
...
طبل إلضبوح إندگ علن و إلیهد مالومه
إلخیّال و إلبیده رمح سیّد علی گومه
معروف شایل رایته بإلحرب جیدومه
حبّک نطق بإلمعرفه بسمک و أندبنّک
...
أرد أندب إلعنده إخت بإلحومه مسبیّه
بید إلاجانب ضایجه تتسمّی عربیّه
عدهه أصاله إمعرّبه ماهیه منسیّه
ردته لهلهه إلماجده بإلگصّه أبوسنّک
...
چندوب تتحمّل غضب بإلذلّه عشت إسنین
بیک أنا أشوفن عزّتی أنت إلرمش و إلعین
سل سیفک إبسد عفّتک إبزودک إو وفّی إلدین
ویّاک سایر بإلضعن و إبدمّی أکرمنّک
...
خل خوفک إیصفّی إبنهر لا تخشه کل خنّاس
تستاهل إنصوغک ذهب تاج إو یشع بإلراس
أدریک من تحمگ سبع سیفک یخل بإلطاس
أنت إلشجاع إبغیرتک بإلحومه إندبنّک
...
إمتابعنه إلیذل إلوطن بإلصفعه و إلادمان
ماتت أهلنه بإلطرق بإلذلّه و إلحرمان
من إلبطاله و إلعطش کل إلشعب تعبان
لا وین های إلمهزله ترفضهه إعرفنّک
وینک یبن دیرة هلی مر بیّه أزورنّک
عندی عتب لا تعتذر محتاج أفهمنّک
...
جاسم ثعلبی ألحسّانی 26/10/1400
:: برچسب‌ها:
طبل إلضبوح بحر إلرجز وزن إلمترادف ,
:: بازدید از این مطلب : 939
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
